Généalogie autour du Houlme - Orne

in "Le tour de France par deux enfants" par G Bruno
Ed Belin 1943

Le vingt septieme jour de juin, l’an

mil six centz cinquante cinq

avant midy, au tabellionnage de

la Baroche, par devant les

tabellions soubz signés

Fut présent en sa personne Piere Dupont

paroissien de St Denis de Villenette, lequel

confesse avoir et tenir en ses gardes et

pocessions de Pierre Fiault, paroissien

de St Denis à se présent, savoir est une

jeune vache agée de deux à trois ans

de poil rouge pour icelle tenir à tiltre

de chateil pour le temps et terme de

trois ans commensant du premier jour de

ce mois et finir et fini à pareil jour

et terme. A la charge, par ledict preneur

de la nourrir et garder durant ledict

temps, ensemble le crois qui en

proviendra, duquel ledict preneur norira

les deux dernières années, et pour l’année

présente balliera ledict preneur audict

ballieur huict livres de beure en pot

dans la Toussaint prochaine. Et est

ladicte vache estimée et apréssiée, par

entre les dictes parties, à trente livres

livres tournois en principal que

ledict ballieur reprendra et aura

le premier reprins sur cens

et escroits¹ de ladicte vache et l’outre

plus, ils en seront à moitié et

et c’est ledict preneur submins

par corps et biens respondre de

ladicte vache et escroits et

et les conserver et garder de tous

les périls et dangers, fors maulx

naturels comme aussi ledict preneur

ne pourra vendre ni engager ladicte

vache ni escroits sans le consentement

dudict ballieur. Dont lesdictes parties

sont demeurées à un et d’acord lecture

faicte. Présence Charles Retoult,

huissier et Estienne Bansard dudict la

Baroche tesmoins²

*

* *

Notes :